BORGOLECCO STORY (6)

[263] BORGOLECCO STORY (6)

LINO TIMILLEROCONISTON – Nuovo Galles del Sud (AUSTRALIA)


Lino Timillero dall’Australia ci racconta, in alcune puntate, i ricordi della sua vita a Montebello, quando abitava nella zona di via Borgolecco.
« Par nialtri tusiti de la Via Borgolecco, co nevegava la jera come na Festa! La matina, co gavea nevegà de note, navimo scola de corsa. Mi, Silvano e Luigi corivimo zò par la Stradela par rivare so la strada davanti ala Scuola. Là, i tusi che stava vizin ala scola, la sera vanti, i gavea butà aqua in mezo ala strada. Na bela strisia. Dal davanti dela casa del Segretario Comunale, fin al davanti dela casa de Vitore Canpanaro. Vialtri ve domandarè parchè? De note Giazava!!! E vegnea fora el risigo!!! Par poder risigare. Cossa vol dire???
L aqua che jera stΓ  messa zΓ² prima de note, la se jera ingiazzΓ . Se metivimo in fila. Se coreva par darse el slancio e se slitava sora el tochetin de strada giazzΓ . E calche dun risigava stando so na gamba sola e co i brazi verti, come on Angelo! Come cuei che patinava ale Olimpiadi de Oslo ntel 1952! Co se nava al Cinema Parochiale, (anca cuelo so la Via Borgolecco) se vedeva so la β€˜Setimana Incom’. Cuei che siava e cuei che patinava!!! Tri mesi dopo, ma li vedivimo! FortunΓ  che, a chei tenpi lΓ , ghe jera poche machine in giro!!! La Coriera che nava a Vicenza la passava tanto prima e anca cuela che nava a Valdagno. A Luigina, so fiola del Bidelo Conterno, ghe tocava a vigner sonare la Canpanela fin sola strada par farne nare a scola! E dopo la sarava i du portoni!
Se gavea nevegΓ  bastanza da poder slitare cola Slita, de drio ala casa ndove che stava Arrigo, ghe jera on bel posto. Dopo magnΓ  se catavimo lΓ ; Luigi, Andrea, Silvano, Gaetano Sergio, i fradei Filotto…ecc…!
Ndove che ghe xe Via Pieropan e Via Crestani desso, na volta no ghe jera gnente! Come che go zà dito, la mura de Via Borgolecco la nava su vizin ala casa de Silvano, ndove che desso ghe xe Via Verdi. Fè el conto che, poco prima de Via Pieropan, la mura la ndava su verso la Valle. De drio la casa de Carlo e Lino B###*, ghe jera on bel orto grande. El xe là ncora desso! Cola stessa mura. Cussì alta che Lino el metea la scala so la mura par vignere a slitare so la neve. E lu el gavea anca na bela Slita, e calche volta el me asava dopararla. Nialtri saltavimo la mura vizin ala casa de Silvano par nare de là! E caminavimo sui canpi de Gamba. Drio ala mura. Giravimo de là e scomiziava el Monte e ghe jera na bela Pontara. Senza gnente de semenà e gnanca na piantà de visele! Tuti i tusi de la Via Borgolecco i jera là. Sola neve!!!
Lora no ghe jera nissun vestio cola Parka de nailon indosso!! Majioni e giachetoni fati in casa. Calche dun col basco vecio in testa. O na bareta de lana tirΓ  zΓ² so le rece! Ma bisognava star tenti de no ciaparse le β€˜Buanze’ sole man!!! E no ghe jera gnanca na casa!!! Dala mura fin lΓ  in zima ndove che desso ghe xe Via Pegnare! Gnanca na casa!! Me ricordo che on toso el jera vegnΓΉ cola monega. El se metea in zima ala pontara. El se sentava on pochetin indrio dela metΓ  dela monega. Calche dun lo urtava zo e via chel nava. ZΓ², a tuta bira!!! Co se cascava, se cascava sola neve e no se ga mai fato male nissun!! Se gavea nevegΓ  par du-tri dΓ¬, ndavimo fin sui Taraji del Ciampo. Son drio a parlare de on s-ciapo de tusiti dai 8-10 ani. Calche dun se portava drio la slita. Mi, par farmela nprestare da Lino B###*, ghe la portavo a spala. ZΓ² par la Stradella (dele Carpane), se fasea el giro davanti ala Cesa fin a chel altra Stradela (Muzzi). Vanti fin dove che ghe jera el strozo che nava su de traverso sol tarajio (desso ghe xe scalini grandi). Lora no ghe jera gnanca chel ponteselo de fero che se pole traversare el Cianpo a piΓ¨. Lora, lΓ¬ torno ghe jera solo che la casa fata su dal Comune da na parte. Da chel altra parte dela Stradela, ghe jera el Capanon del vecio Toniolo, ndove che i β€œArtigianelli” nparava a laorare. El resto, tuto intorno, no ghe jera gnente! Solo che lerba dei prΓ  de Stochero e le piante de morari drio ai fossi e drio ale cavezagne ndove che, ani dopo saria ndΓ  in giro sol tratore con Bepe e Tito par jutarghe a tirar su el fen. Ma nialtri navimo lΓ  par slitare!!! Via Adige la jera ncora sola testa de calche dun che nol jera ncora nato!!! Lora ghe gavaria vossudo on β€œFotografo” come Tino Crosara. Ma lu el jera za lΓ  a provar a siare zo pai Taraji del Cianpo.
Chissa se la ghe xe na fotografia de cuel periodo, che fazza vedere i prà de Stochero e i Taraji pieni de neve??? Chi che no gavea la slita o la monega, stufo de spetare, el se butava zo de rodolon. Da inzima al Tarajio zo fin fondo. Co se rivava zo, pena alzà in piè se cascava par tera parchè ne girava la testa!! E pieni de neve. Sole braghe, torno al giacheton, drento ai scarpuni e a vardare suito insù par vedare ndove che se gavea persa la bareta!!! Ma jerimo anca bravi! Se jiutavimo un col altro a sbaterse zo la neve sol de drio, ndove che no se podea rivarghe!!!
PΓ¬ de calche dun gavea i piΓ¨ moji. Ndava la neve drento ai scarponzini. CiΓ²!! O rodolarse zo pal Tarajio o aver i piΓ¨ suti!!! Nessun ghe pensava sΓΉ E la neve me ga fato fare on salto de ondese-dodese ani……… Jero drio caminare co Silvano. Da casa sua, senpre so la Via Borgolecco, jerimo drio nare al Bar vizin al Oratorio. Nevegava pian pianelo. Ma el gavea nevegΓ  tuto el dΓ¬. Par tera ghe jera 8-10 zentimetri de neve. Cuei che doparava el Trajion co jera ciaro i jera ndΓ  casa. Inveze de nar zo par la Stradela, ghemo caminΓ  fin ala Strada Nova e semo nda zo verso el Monumento. Caminavimo in mezzo ala strada parchΓ¨ ghe jera manco neve. On pochetin prima del Monumento, Silvano el me dise: β€œLino, sa sela chela roba lΓ  in mezo ala strada?” Mi, no vedendo gnente, ghe respondo:” Ma ndove, che mi no vedo gnente!” A Silvano ghe piasea scherzare!?!
Lora el se ga messo a cΓ²rare. E mi drio! Ghe jera on omo so la strada. ButΓ  zo come sel dormisse! Col paletΓ² indosso e anca el capelo! Lo ghemo tirΓ  su. Silvano el me ga dimandΓ  se savevo chi chel jera? Mi lo conosevo. El laorava da Pellizzari, ndove che laoravo anca mi. E savevo chel stava poco distante. Ghe ghemo netΓ  la neve chel gavea ntorno. Silvano da na parte e mi da chelaltra, semo ndΓ  indrio so la Via Borgolecco. Nando su, semo stΓ  tenti de no cascare par tera tuti tri. E ntanto ghe disevo a Silvano ndove che stava de casa l omo che jerimo drio a tirar vanti, un par parte.
La casa la jera sete, oto porte pΓ¬ vanti, nando verso Via Pedrollo. Co semo rivΓ  ala casa del omo, mi go batΓΉ la porta. Se ga npizΓ  la luce sola strada. Ghemo pozΓ  P~*#~ni su pal muro. E semo ndΓ  via. Ndove che jera scuro se ghemo fermΓ  par farse sicuri che i lo tirasse rento in casa. Col jera in casa ghemo sentio na dona zigare. Lora semo na de corsa fin ala Strada Nova. Dopo, nando zΓ² par nare ndove che jerimo drio nare prima, ghe go dito a Silvano el nome de chi chel jera chel omo. Ne parea chel fusse stΓ  imbriago e anca insiminio. Ma da cuela volta el me ga senpre tratΓ  coi β€œguanti”. Β» (continua) (Linus DownUnder – Lino Timillero, Coniston 6-3-2019)

Foto: L’area dei Pra’ di Stocchero nei ‘freddi’ anni 50 del Novecento (rielaborazione grafica Umberto Ravagnani).

Umberto Ravagnani

Se hai FACEBOOK e l’articolo ti ha soddisfatto metti MI PIACEΒ 
Oppure lascia un commento qui sotto…

Lascia un commento

Il tuo indirizzo email non sarΓ  pubblicato. I campi obbligatori sono contrassegnati *