BORGOLECCO STORY (5)

[258] BORGOLECCO STORY (5)

LINO TIMILLEROCONISTON – Nuovo Galles del Sud (AUSTRALIA)


Nuovo episodio di Lino Timillero, dall’Australia, sulla sua vita a Montebello, quando abitava nella zona di via Borgolecco.
« Cuando che la Catina ne gà tajià la luce, co vignea el fredo, nialtri navimo a filò da Plinio. La so corte la jera anca cuela so la via Borgolecco. Ala parte de là dela strada ghe jera el porton grande. Fato de fero e cola rete de fero. Cuando che ghe jera le malatie dele vache, come l afta pizotica, i pilastri del porton i jera senpre incalzinà che se vedesse ben el bianco. Cussì, se rivava calche careton tirà dale vache o dai bò, se savea che se dovea nar ciamare Plinio, prima de nare drento. L afta pizotica jera na bruta malatia che fasea morire le vache e Plinio el stava tanto tento che le so vache no la ciapasse.
La tera de Plinio la rivava dala via Borgolecco fin dove che ghe xe la via *Giovanni Gentile desso, vizin ale scole e al canpo de Calcio novo. Da chel altra parte, la tera de Plinio nava zΓ² par la strada fonda cuasi fin dove che stava Bijio Colonbo, cuelo che slevava ncora i cavalieri in cusina cuando che jera la stajion dei cavalieri. In corte da Plinio vignea anca la trebiatrice. Dopo che jera stΓ  portΓ  tute le fajie de formento sola corte, inmuciΓ  davanti ala stala, rivava la Trebiatrice. La jera na Machina Granda. TirΓ  in corte col tratore. Par nare drento pal porton, bisognava che se fasesse le manovre, da cuanto Granda che la jera! Mi li vedevo. Da casa mia ghe sarΓ  stΓ  15 metri. Par farla laorare, ghe ocorea on tratore groso, co na rua che vignea fora dal motore. Ala rua i ghe ciamava Volano. Vignea pasΓ  na zengia torno che la rivava fin a naltro Volano so la Trebiatrice. Vignea scaldΓ  la testa del motore del tratore par far partire el motore. Lora el Volano el fasea corere la zengia fin che anca chel altro Volano girava. La Trebiatrice la scomiziava a laorare e i omini i metea le fajie de formento drento el buso par sora. E i trebiava par do-tre jornate. De drio de la trebiatrice vignea insacΓ  el formento e davanti vignea fora le bale de pajia che se doparava in stala par le vache. Tuto el tempo del ano. Na Trebiatrice cussΓ¬, la ghe jera anca a casa de so popΓ  de Gianni Verlato, vizin ala Canonica. Cuela la jera al cuerto, senpre ferma lΓ . Ma lΓ  ndava cuei che no gavea tanto formento da trebiare. ParΓ², co jera el so tempo, anca dai Verlato ghe jera on mucio da fare!!! In stala da Plinio, co fasea fredo la sera, se stava ben caldeti. El gavea na dozena de vache e anca tri cuatro vedei. PΓ¬ de calche dona se portava drio na caregheta par star sentΓ  zΓ² fin che le ciacolava. Ma, par prima roba, se scomiziava a dir sΓΉ el β€œTarzeto” co tuti i β€˜Misteri’. Calche dona fasea su isteso on maljion, o calche calzeto coi feri, ma cuasi tute le rispondea ale Ave Marie e le stava tente ai misteri venerari. Ghe jera on canfineto chel fasea luce par vederghe on poco. Par sentarse ghe jera anca le bale de pajia. Le done le ciacolava. Omini ghin jera calche dun. De tusiti, jerimo in zincue-siΓ¨e se movimo senpre. Na sera ala setimana, Plinio el metea fora na zesta de panoce da scaolare. Bisognava che tuti scaolasse le panoce par lu. El jera el paron dela stala. Lu el disea che al canfin se gavea da meterghe el petrolio e che le ciacole no gavea mai fato ciaro de note! Scaolavo anca mi. Ma, de scondon, me metevo na man advanti ala boca e con chel altra man me metevo in boca on par de grani de sorgo ala volta e i rosegavo pian pianelo. Ma gavevo da star tento che no me vedesse nissun. Se el paron se fusse inacorto, el gavaria scomiziΓ  a dire che la jente la vignea a filΓ² par magnarghe el sorgo. Se tuti gavesse fato cussΓ¬ el saria restΓ  sensa sorgo e conpagnia bela. E tuti savea che Plinio el jera on omo de Cesa. Par cuelo le done le disea su el tarzeto coi Misteri Venerari, parchΓ¨ el se ricordasse chel jera on omo de Cesa. A calche dun che ghe dimandava, Plinio ghe assava meter on poche de piantine de verze so la so tera. A metΓ  par un. Se un metea zΓ² zento verze, le jera zincuanta par Plinio e zincuanta par chi che le inpiantava. Ndove che desso ghe xe la via Giovanni Gentile*, lΓ  ghe jera on fosso senpre pien de aqua. Calche dun gavea ficcΓ  zΓ² on tubo sol fosso e vignea senpre fora aqua. E ghe jera fossi co l aqua dapartuto! Desso no ghe xe pΓ¬ gnanca cuei!! Desso lΓ¬ ghe xe le scole Medie!
Co jero diventΓ  bastanza grando da nare co la bicicleta da dona de me mama, la me mandava a Zarmeghedo a tore on zentenaro de piantine de verza. Me tocava nar sΓΉ par la pontara dela Cesa. SΓΉ ncora, passΓ  el Cimitero de Zarmeghedo. E ncora pΓ¬ sΓΉ fin ala corte dei Bertola! E senpre parando sΓΉ la bicicleta a piΓ¨ parchΓ¨ la jera tuta na pontara! Anca le strade da chele parte lΓ  no le jera inludronΓ , come la via Borgolecco. Me mama jera na Bertola, e anca me popΓ  jera nato a Zarmeghedo. Na parente de me mama che mi no conosevo la me ga dΓ  le piantine de verza. Messe par ben. InscartozzΓ  co la carta bela mojia e messe drento ala sporta tacΓ  sol manubrio dela bicicleta. La parente de me mama la me ga dito: β€œTo mama me ga dito de dirte de nar zΓ² pian pianelo! E de star tento de no cascare e farte male. Gheto capio?!!!” E mi: β€œSΓ¬ sΓ¬ grasie.” Nar zΓ² la jera na belessa!!! ZΓ² in disesa!!! Me parea de ndare a zento al ora!!! Rivavo casa come on lanpo!!! So stΓ  tento co son rivΓ  sola curva de la Cesa. E zΓ² dal ultima pontara. Senpre tento de no frenare col fren de la rua davanti!!! E navo par traverso. On poco pΓ¬ longa, ma pΓ¬ bei posti: Belocaria, Parosa, ndove che stava me zia Nina e me cugina Itala. Pasavo vizin a ndove che stava Bepino e ale case dei Fioconi e dei Zordan. Dale parte dela strada ghe jera tuto giarin e gaveo da star tento parchΓ¨ la rua davanti dela bicicleta la podea sfondarse e lora cascavo par tera! Co rivavo in Vigazolo, ghe jera el ludron so la strada. Navo zΓ² de corsa parchΓ¨ lora machine ghi jera poche. Rivavo in Piassa e navo suito so la via Borgolecco. Zincue minuti e jero casa! On poco prima che ndasse zΓ² el Sole, me catavo co me mama sol canpo de Plinio a meter zΓ² tute le verze. Jero drio zugare col balon al Oratorio. Me fermavo. Pasavo de lΓ  dela rete. El toco de tera ndove che se podea metar le verze el jera poco distante. Me mama fasea el buseto so la tera. La metea zΓ² la verzeta e la sarava la tera torno. Mi jero lΓ¬ pronto col secio co l aqua del fosso e col pegnatin a bevarare la piantina par la prima volta. CussΓ¬ nparavo ndove che le jera le nostre de verze. Dopo, no me gavaria sbaliΓ  a bevararle, cuelo xe poco ma sicuro! SΓ¬ parchΓ¨ almanco par tre cuatro setimane, a seconda de che tempo chel fasea, me tocava nar bevarare le verze ogni dΓ¬, fora de la Domenega. E volea dire fermarse de zugare el balon. β€œNdo` veto Lino?” me dimandava Ernesto e Roberto. Mi disevo: β€œTorno indrio suito”. Silvano nol me disea mai gnente parchΓ¨ el savea zΓ  ndove che ndavo. Cuando che le verze jera pronte, navimo sol canpo co la cariola. Plinio el jera zΓ  lΓ . MetΓ  verze par lΓΉ e metΓ  se le portavimo casa par metarle naltra volta in te la tera ndove che le podea stare fin a tuto l Inverno. Calche volta tiravo via la neve par catarghene una da darghe a me mama da far da magnare.
*Giovanni Gentile*: I Montebellani sono al corrente di β€œchi era costui ???!”Β Β» (continua) (Linus DownUnder – Lino Timillero, Coniston 22-2-2019)

Foto: La trebbiatrice, protagonista della vita contadina per tanti anni (adattamento grafico Umberto Ravagnani).

Umberto Ravagnani

Se hai FACEBOOK e l’articolo ti ha soddisfatto metti MI PIACEΒ 
Oppure lascia un commento qui sotto…

Lascia un commento

Il tuo indirizzo email non sarΓ  pubblicato. I campi obbligatori sono contrassegnati *