DA MONTEBELLO ALL’AUSTRALIA

[134] STORIA DI LEONE, PROFUGO SUPERMAN CHE STENDEVA LE VACCHE CON LE MANI. Β Di LINO TIMILLERO – Coniston (AUSTRALIA)

Un click qui per ingrandire l'immagine

Β« Co la scusa de le guere β€˜ntei Paesi Arabi e conpagnia bela, de β€˜sti jorni no se sente altro ca parlare de profughi e sfolati! La prima volta ca gaveo sentio la parola β€œprofughi”, jera sta che l’ano de l’aluvion del Po! Ve ricordeo? So la β€œSetimana Incom”, co se nava al cinema parochiale, i li fasea vedare β€˜sti pori sfolati: in pie, sui cassuni de drio ai camion. I vignea portΓ  in giro chissa β€˜ndove. E se vedea acua dapartuto! β€˜Ntel Polesine, parea ca ghe fusse el mare. Da cuando ca jera capitΓ  l’aluvion, a la primavera de l’ano dopo, ca saria verso Pascua del 1952, xe rivΓ  un de β€˜sti profughi anca al me paese. SΓ¬, a Montebelo! El se ciamava Leone, e el jera forte come on leon, par come chel jera fato e par la voze grosa cal gavea. A mi, ca gavevo oto ani, el me someiava on toco de omo. El jera grando e i brazi e el colo i jera come cuei de Maciste. E la voze forte: parea cal sbraitasse, e inveze la jera la so maniera de parlare. Ve ricordeo de Gioanin, cuel zovanoto cal stava β€˜ntel garage de Toni e Maria? Cuelo ca el se la contava coi so paesani a Port Kembla? Anca lu el vignea da Montebelo! E anca lu el gavea conosesto Leone. Desso, a Montebelo, xe pien de fabriche dapartuto, case nove da tute le parti. β€˜Ndove ca ghe jera i pra’ de Stocchero, desso xe tuto pien de case e strade, fin drio ai taraji del Cianpo, dal ponte del Marchese al ponte Nuovo. Ma Gioanin el se ricorda ben anca lu come ca jera le robe β€˜ntel 1952. Sui pra dei fradei Stocchero ghe jera tanta erba e piante de morari. L’erba, se sa, la xe par le vache. E i morari, dimandarΓ¬ vialtri? A cuei tenpi lΓ , se slevava β€˜ncora i β€œcavalieri”, ca i magnava solo ca le fojie de Moraro. E bisognava ca le fusse fresche e tenare. No savi mia cossa ca i xe i cavalieri? I xe cuei ca vien ciamΓ  bachi da seta par talian. A pi de calche d’un, i cavalieri ghe ga assΓ  on bruto ricordo! Bisognava β€˜ndare a catar su le fojie de moraro tuti i giorni, e, se le jera bagnΓ , ne tocava sugarle parchΓ©, se no, le ghe gavaria fato male. A chi? Ai cavalieri, a cuei ca se bagnava parchΓ© el piovea cuando ca i nava a catar su le foije, no ghe β€˜nteressava gnente a nissun.
Leone el jera rivΓ  dai Stocchero e el laorava par luri. Lu el ghe stava drio a le vache. El le netava soto, el portava fora el luame fin al luamaro, el jutava monzerle da late par portarlo a la casara de la cooperativa. Co xe rivΓ  lu, le vache le nava sui pra a magnare l’erba fresca. Verso le do, le vignea fora da la stala, le traversava la corte, e anca la strada, e le nava xo, drio la mura de la vila dei canossiani ca desso la xe de Zonin (la jera poco pi de na cavezagna, lora, β€œvia Po” la se ciama ora). Cuando ca tute le vache le gavea traversΓ  la strada, Leone el ghe corea davanti par farle β€˜ndare a pascolare β€˜ndove cal volea lu, e le stava lΓ  fin ca vignea la ora da monzerle. β€˜Lora, le traversava da novo la strada e la corte par β€˜ndare naltra volta in stala. Co le vache traversava la strada, Leone el se metea in maniera ca, de drio a lu se nava verso la piassa, davanti a lu pasava le vache, e de lΓ  ghe jera la pontara par nare sol ponte del Marchese. Bepe Stochero, el gavea on ano manco de mi, e zugavimo tante volte insieme. Na volta, ne xe capitΓ  de vigner su dai pra’ co le vache. Bepe el me dise de spetarlo lΓ¬, so la strada fin ca pasava le vache. Leone el jera xa lΓ¬ e, pena pi in lΓ , se ga messo Bepe. Na vaca, par fare la furba, la xe partia de fianco, e xo verso la piassa! Leone el ga fato tri salti, el ga ciapΓ  la vaca pai corni e el la ga tirΓ  xo par tera! Bepe nol ga gnanca fato tenpo a movarse, ca Leone el jera drio instrozare la vaca par farla nare da la parte de la stala. E mi? Mi corevo par ciamare so popΓ  de Bepe e dirghe ca jera scapΓ  via na vaca e ca la volea nare in piassa.
De β€˜sta storia, xe vegnu’ a saverlo cuasi tuto Motebelo parchΓ© lΓ¬ vizin ghe jera le boteghe del casolin e de β€œsali e tabachi”, e le done jera sentΓ  fora a contarsela fin ca le justava le braghe o i calziti de i so omini. Come cal jera capitΓ  cuando ca Leone el jera rivΓ , ca nessun no savea gninte, cussi xe sta cuando cal xe β€˜nda via. Dopo gnanca on ano, de Leone no se ricordava pi nissun. E a nissun ghe nteresava de savere β€˜ndove cal fusse β€˜nda’! Dopo cuasi trenta ani, in Australia, Gioanin el laorava β€˜ncora a la E.P.T. L’inpresa la jera piena de laoro parchΓ© i gavea da far su on β€˜Coal Loader’ novo. Xo al porto, se dovea metar insieme machinari novi par caricare el carbon so le navi. Tuto jera in man de l’Ansaldo e dela Krupp, e la E.P.T. metea la man de opera: dal β€˜Project Manager’ a tuto el resto. Co rivava el di de paga, ogni altro zobia, se dovea nar tore i schei par ordene fabetico. Se no i gavesse fato cussi, i oparai i gavaria fato na fila longa in meso al canpo ca no gavaria pi podesto pasare i camion e le gru ca rivava indrio dal cantiere. I operai i jera tuti contenti (i taliani ), parchΓ©, la setimana prima, l’Italia gavea vinto el canpionato del mondo de Calcio. Cuelo de Spagna. Chel zobia dΓ¬ de paga, Gioanin el xe β€˜nda’ a torsela a la mensa. Come cal jera rento de la porta el se ga fermΓ  de colpo! Da β€˜na parte, ghe jera on s-ciapo de operai ca i ciacolava. In meso ghin jera un cal parlava β€˜nte na maniera ca a Gioanin no ghe parea vero. β€˜Lora el ga fato du pasi da chela parte, e el ga spetΓ  ca parlasse β€˜ncora cuelo de prima. Cuando ca cuelo ga verto boca, Gioanin el ga savesto suito chi cal jera! β€œLeone, sa feto cuΓ ?” ga dito de boto. β€œChi sarissito ti?” ghe dimanda Leone. β€œMi son da Montebelo – ghe dise Gioanin – te ricordito de la corte dei Stochero?”. β€œVarda ca mi fasso el Leading-Hand (capo scuadra, in talian) in Linea, e de Montebelo no me β€˜ntaressa ninte!” Gioanin el dise β€˜ncora: β€œNo te vien mai in mente de che la vaca ca volea scapare in piassa?”. β€œTe go pena dito ca laoro in linea. Doman ghemo da β€œndare su a Golbourn par scumiziare na linea nova e semo drio parlare de come ca ghemo da fare!” Gioanin el xe restΓ  male, nol ga’ pi’ dito gnente, el ga ciapΓ  la so paga e el xe β€˜ndΓ  casa. β€œE Leone ?”, disarΓ¬ vialtri. Leone el sarΓ  in giro par lβ€β€˜Out-Back” Australian, a montare tralici, copar coneji co la s-ciopa. E a corerghe drio ai emus, pronuncia β€œimius”, osei grandi ca noi svola, come i strussi.
Β» (Lino Timillero – Vicentini nel mondo – Luglio 2018).

Umberto Ravagnani

Foto: Montebello – Uno scorcio dei Β« pra’ di Stocchero Β» negli anni 50 del Novecento (APUR – Umberto Ravagnani).

Nota: Per chi Γ¨ interessato, da parecchi anni Γ¨ stato istituito un premio letterario per scrittori di testi Poesia e Prosa nei dialetti di Lingua Veneta: si chiama “Premio letterario Raise 2019” e si tiene ad ArquΓ  Polesine nel mese di settembre. Anche il nostro Lino Timillero vi ha partecipato l’anno scorso con grande soddisfazione. E’ possibile scaricare qui il Bando 2019.

AI LETTORI:
Quanti volessero collaborare per la redazione del notiziario con articoli o segnalare argomenti di particolare interesse, notizie, curiositΓ , proverbi locali, foto, cartoline d’epoca, etc., sono invitati a mettersi in contatto con l’Associazione.

Se hai FACEBOOK e l’articolo ti ha soddisfatto metti MI PIACE
Oppure lascia un commento qui sotto…